1 Չեմ կամենում, եղբարք, որ չ’գիտենաք՝ թէ ա մեր հայրերն ամենն էլ ամպի տակն էին. բ եւ ամենը ծովի միջովն անցան։ 2 Եւ ամենը Մովսէսով մկրտուեցան ամպումը եւ ծովումը։ 3 գ Եւ ամենն էլ նոյն հոգեւոր կերակուրը կերան։ 4 դ Եւ ամենն էլ նոյն հոգեւոր խմելիքը խմեցին. Որովհետեւ այն հոգեւոր վէմիցն էին խմում՝ որ գնում էր նորանց հետ. Եւ այն վէմն էր Քրիստոսը։ 5 Բայց Աստուած նորանցից շատերին չ’հաւանեց. ե որովհետեւ անապատումը փռուած ընկան։ 6 Եւ սորանք մեզ օրինակի համար եղան. Որ մենք չար բաների ցանկացող չ’լինենք, զ ինչպէս նորանք ցանկացան։ 7 է Եւ կռապաշտ մի լինիք ինչպէս նորանցից ոմանք. Ինչպէս գրուած է, թէ ը Ժողովուրդը նստեց ուտելու եւ խմելու, եւ վերկացան որ խաղան։ 8 թ Եւ պոռնկութիւն էլ չ’անենք, ինչպէս նորանցից ոմանք պոռնկութիւն արին, ժ եւ մէկ օրում քսանեւերեք հազար մարդ վայր ընկան։ 9 Եւ Քրիստոսին էլ չ’փորձենք, ի ինչպէս նորանցից էլ ոմանք փորձեցին, եւ լ օձերիցը սատակեցին։ 10 Եւ չ’տրտնջանք էլ խ ինչպէս նորանցից էլ ոմանք տրտնջացին, ծ եւ սատակչի ձեռովը կ կորան։ 11 Եւ այն ամենն օրինակի համար էր նորանց հանդիպում, հ բայց մեզ խրատի համար գրուեցաւ, ձ որոնց դարերի վերջը հասաւ։ 12 ղ Ուրեմն ով որ համարում է թէ հաստատ կանգնած է, թող զգոյշ լինի, որ վայր չ’ընկնի։ 13 Ձեզ ուրիշ փորձութիւն չէ պատահել բացի մարդկային փորձութիւնից. ճ բայց Աստուած հաւատարիմ է, մ որ չի թողիլ ձեզ ձեր կարողութիւնիցը վեր փորձուելու, յ այլ փորձութեան հետ ելքն էլ կ’պատրաստէ, որ կարողանաք համբերել։
14 Նորա համար, իմ սիրելիք, ն փախէք կռապաշտութիւնիցը։ 15 շ Ինչպէս իմաստունների հետ եմ խօսում, դուք ինքներդ դատեցէք այն որ ասում եմ։ 16 ո Այն օրհնութեան բաժակը, որ օրհնում ենք, չէ՞ որ հաղորդութիւն է Քրիստոսի արիւնի. չ այն հացը, որ կտրում ենք, չէ՞ որ հաղորդութիւն է Քրիստոսի մարմնին։ 17 պ Որովհետեւ մէկ հաց, մէկ մարմին ենք մենք շատերս. Վասնզի ամենքս այն մէկ հացիցն ենք վայելում։ 18 ջ Տեսէք ռ Իսրայէլին մարմնի կողմանէ. ս չէ՞ որ զոհուածներն ուտողները մասնակից են սեղանին։ 19 Արդ ի՞նչ ասեմ. վ մի՞թէ կուռքը մի բան է, եւ կամ թէ կուռքերի զոհուածները մի բա՞ն են։ 20 Բայց այն որ տ հեթանոսները զոհում են, դեւերին են զոհում, եւ ոչ թէ Աստուծուն. Իսկ ես չեմ կամենում, որ դուք դեւերին մասնակից լինէք. ր չէք կարող Տիրոջ բաժակը խմել եւ ց դեւերի բաժակը. 21 Չէք կարող Տիրոջ սեղանիցը վայելել՝ եւ դեւերի սեղանիցը։ 22 ւ Կամ թէ Տիրոջը նախանձի գրգռե՞նք. փ մի՞թէ նորանից աւելի զորաւոր ենք։
23 Ամեն բան օրինաւոր է ինձ, բայց ամեն բան օգուտ չէ. ք ամեն բան օրինաւոր է ինձ, բայց ամեն բան շինութիւն չէ տալիս։ 24 օ Ոչ ով միայն իր անձի օգուտը չ’որոնէ, այլ ամեն մէկն ընկերինն էլ։ 25 ֆ Ամեն ինչ որ սպանդանոցումը ծախվում է, կերէք առանց մի բան քննելու խղճմտանքի պատճառով։ 26 և Որովհետեւ Տիրոջն է երկիրը եւ նորա բոլոր լիութիւնը։ 27 Եթէ անհաւատներից մէկը կանչէ ձեզ, եւ դուք կամենաք գնալ, ա ամեն բան որ ձեր առաջին դրուի, կերէք, առանց մի բան քննելու խղճմտանքի պատճառով։ 28 Բայց եթէ մէկն ասէ ձեզ, թէ Դա կուռքի զոհուած բան է, մի ուտէք՝ բ նորա պատճառովը որ իմացրեց, եւ խղճմտանքի պատճառովը. Որովհետեւ Տիրոջն է երկիրը եւ նորա բոլոր լիութիւնը։ 29 Բայց խղճմտանք եմ ասում՝ ոչ թէ ձերը, այլ ընկերինը. գ որովհետեւ ի՞նչու իմ ազատութիւնը պիտի դատուի ուրիշի խղճմտանքից։ 30 Թէ որ ես շնորհակալութիւնով վայելում եմ, ի՞նչու հայհոյուիմ այն բանի համար՝ դ որի համար ես գոհանում եմ։ 31 ե Ուրեմն՝ թէ ուտէք թէ խմէք, թէ ինչ գործ էլ որ անէք, ամեն բան Աստուծոյ փառքի համար արէք։ 32 զ Առանց գայթակղութիւն տալու եղէք Հրէաներին եւ Յոյներին եւ է Աստուծոյ եկեղեցուն։ 33 ը Ինչպէս ես էլ ամեն բանով ամենին հաճոյ եմ լինում. թ իմ անձի օգուտը չ’որոնելով, բայց շատերինը որ փրկուին։
Ա Կորնթացիս 10